Alþýðuóperan sýnir á Rósenberg allan september á fimmtudögum. Frumsýningunni einstaklega vel tekið!

Síðast liðinn fimmtudag frumsýndi Alþýðuóperan sýninguna Ráðskonuríki á Rósenberg við Klapparstíg. Næsta sýning er á morgun, fimmtudaginn 6. september og sýningar standa fram í byrjun október. Við viljum benda fólki á að ódýrara er að kaupa miða í forsölu á http://midi.is/leikhus/1/7120  og kostar þá miðinn aðeins 2000 krónur, en 2500 við hurð. Eins fá nemendur, eldri borgarar og öryrkjar miða á 1500 krónur.

Frumsýningunni var einstaklega vel tekið, en eftirfarandi ummæli birtust á Facebook-síðu óperunnar eftir sýninguna.

Söngvararnir voru að vonum glaðir með sýninguna. Dívurnar Ísabella og Hanna Þóra sjást hér baksviðs, sérdeilis ánægðar með árangurinn.

Ísabella og Hanna Þóra baksviðs eftir vel heppnaða sýningu

Við mælum að sjálfsögðu með að enginn missi af þessari sýningu. Hvað er betra en að sitja til borðs á Rósenberg, fá sér hressandi veigar og horfa á óperu?

Eftirfarandi sýningardagar eru í boði:

  • Fimmtudagurinn 6. september kl. 21 – Hanna Þóra og Steinþór
  • Fimmtudagurinn 13. september kl. 21 – Ísabella og Jón Svavar
  • Fimmtudagurinn 20. september kl. 21 – Ísabella og Jón Svavar
  • Föstudagurinn 21. september kl. 22 – Hanna Þóra og Steinþór
  • Fimmtudagurinn 27. september kl. 21 – Ísabella og Jón Svavar
  • Fimmtudagurinn 4. október kl. 21 – Hanna Þóra og Steinþór
Auglýsingar
search previous next tag category expand menu location phone mail time cart zoom edit close